FUQIA E ZOTIT

Zoti me fuqinë e Tij është kudo,
Mbështetu tek Ai dhe mos u frikëso.

I urdhëron ‘Bëhu’ e bëhen të gjitha,
Lumenjtë, kodrat dhe malet me lisa.

Lloj-lloj qeniesh i krijoi me dije,
Na dhuroi mirësitë plot me shije.

Ai e krijoi botën pa asnjë ndyrësi,
Dhe të gjitha bukuritë pa fare ligësi.

Drurët për ne, të mbushur me fruta,
Ndonjëri i gjatë e disa më të shkurtra.

Bleta punëtore, vetëm për mjaltë,
Mollën e bukur, të ëmbël e të thartë.

Delen e krijoi Ai për mish e për lesh,
Qumështin e lopës për të bërë përshesh.

Ditën e shndritshme për të punuar,
Natën e kaplon terri për të pushuar.

Kafshët i veshi nga koka tek thembra,
Ato janë dy lloj, meshkuj dhe femra.

Njeriun e përmbludhi si fryt i gjithësisë,
Mendja e tij mund të bëhet shkak i lumturisë.